مين أنتوا يا مجلس الأُنس الأعلى لتنزع منى حق المواطنة ؟
الخبر : مصدر عسكري : انتخابات البرلمان بـ«القائمة والفردي» ولا تصويت في الخارج لمنع شراء الأصوات " جريدة المصري اليوم "
للدرجة دى أحنا يالى فى الخارج ملناش أى قيمة كدة ؟ ياه
أنا حزين جدا من قرار منع المغتربين من حق التوصيت !!!!
مين إنتوا يا مجلس العسكر , يا مجلس الأُنس الأعلى علشان تحكموا علينا إذا كنا بنحب مصر و لا لأ !!!!
مين أنتوا علشان تصنفونا مواطنين من درجة مالوش لازمة أو درجة ثانية
إحنا اللى بنساعد على قدر ما نستطيع فى نمو ورقيّ مصر والتحويلات المالية والخبرات العالمية كل فى مجال عمله وتخصصه , طول عمر الأصوات بتتباع من جوه مصر بربع كيلو لحمة أو عشرين جنيه لإنكم إنتوا اللى جوعتوا الشعب ,
موش إحنا اللى حد يقدر يشترى صوتنا ! " صوتنا مالوش ثمن غير حب مصر " والحرامية عارفين إن إحنا مبيدخلش علينا الخطابات الرنانة وفزاعاتها الدينية ولا الفلوس الملوثة بدماء الشعب المصرى الغلبان والمقهور منكم ونعرف كويس يعنى إيه حرية وديمقراطية وحقوق الإنسان ,
ماهوه الفساد والسرقة والمحسوبية كانت السبب علشان نسيب البلد ونمشى , ولو مصر كان بيحكمها رجالة شرفاء موش شوية حرامية كنا قعدنا فى مصر
هوه إحنا لو كنا حرامية أو حد يقدر يشترينا كنا قعدنا فى البلد وبقينا زيكوا يا شوية .... ,
الحق فى المواطنة لا يتجزأ ولا يكون بأثر رجعى . أنا و غيرى من المواطنين المصريين المغتربين لنا كافة الحقوق المشروعة وعلينا كل الواجبات ,
مين إنتوا يا شوية .... علشان تحكموا وتحاكمونا بعدم الحق فى المواطنة وحق التصويت
مين أنتوا ؟؟!!!
من:
مصري مغترب له الحق فى المواطنة
No comments:
Post a Comment