النهاردة قررت اصالح نفسى
قررت اعمل هدنة مع نفسى
قررت احبها عشان اقدر احب غيرى بجد
فكرت كتير لقيت انى فقدت القدرة على الحب الحقيقى
لقيت ان الالم اللى جوايا كبير جدا
لدرجة عطلت الحب جوايا
كل همى انى اسعد غيرى
ارضى غيرى
توليت مهمة الدفاع عن نفسى بضراوة قدام اللى تعبونى وظلمونى
ووسط دفاعى نسيت انى اصلا مش موضع اتهام
نسيت انى ثقتى بنفسى درعى الذهبى اللى لازم احتمى بيه منهم
لازم اصالح روحى واحبها قوى
يمكن قدرتى فى الغفران تكبر
وقدرتى على نسيان القسوة تزيد وتزيد
دخلت جوايا اوى اوى لقيت بقايا نفسى
ماتبقى بعد الم ووجع وحزن كبير سببه احب الناس لقلبى
لملمت شتاتها بايدى ووضعت قُبله عليها
واقسمت الا اهملها مرة اخرى
اقسمت الا اترك ايدى احد اخر تعبث بها وتمزقها مرة اخرى
ساصالح نفسى لاقويها على غدر من حولى
اصالحها عشان اقدر احاكمها على اخطائها
محاكمة عادلة
ليس مثل المحاكمات الظالمة التى تنصب لى دائما بدون اى داع
قررت اقول لنفسى انسى اخطائك وتعلمى منها بجد
حسامح نفسى عشان اقدر اسامح من احبهم وكرهونى
قررت الاقى .... أنــــا
ولن ادعها تضيع منى مرة اخرى
صفحة جديدة يجب ان تفتح
لاصلح ما افسدته بيدى
"من اوراقى القديمة "
No comments:
Post a Comment