Monday

وحبدأ من جديد


للاسف امس تم سرقة مدونتى (حالة ملل ) والغائها تماما ...

حتى الان مش عارفة مين ممكن يتصرف بهمجية كدا وعشان ايه !!

بس الاكيد اللى عمل كدا شخص جبان وحقير بما فيه الكفايه انه بدل مايواجه بالكلمة سرق زى الحراميه

قهرة البعض من مواضيعى وارائى شيئ واتباع منهج السرقة والارهاب الفكرى شيئ اخر

لنختلف لننفعل لكن نسرق ونتهجم على الاخر بالشكل دا فعل غير مبرر بالمرة

ومالوش غير معنى واحد قلته زمان لحسن الهلالى لما سرقوا مدونته

معنى اللى حصل دا ان الكلام اللى بقوله صح ولانه صح ولان محدش من اللى هاجمونى كان عنده جراه للحوار المحترم البناء فكروا ان اخراس اللسان اسهل شيئ

بس وايه يعنى راحت مدونة يجى الف الافكار لاتنضب والعقل لا يغيب ودا اللى مستحيل حيقدر هؤلاء الغوغاء فهمه

وحبدأ من جديد وعلى قلبكم ...

15 comments:

Anonymous said...

معلش فداكي جاتهم نيلة خليهم كده و هما اللى هايقضوا على نفسهم فى الاخر

Anonymous said...

معلش يا نونا ومبروك على المدونه الجديده خليهم يموتوا بغيظهم

روز

Anonymous said...

شكرا ايجبشين شكرا روز

معلش هما لغوا مدونتى بس بعون الله الجديدة حتجننهم اكتر واكتر

صلولى بس لانى اكتر شيئ زعلنى انى مكنتش بسيف اللى بكتبه بس خلاص توووبة :))

حــالة مــلل said...

واللهى معرفش انا جيت اخش البلوج بصيت لقيت مش بيفتح والاخر لقيت بيقولى الايميل بتاعك اتغلى تماما !!!

والمدونة نفسها اتغلت تماما مع انى دخلتها الصبح بدرى امس وكانت فله !!!

وجوجل نيله معرفتش اوصل لاى شيئ معاه لارجاع الايميل او المدونة !!

يبقى مين لغاها ؟؟ ومين سرق الايميل وعمله ديليت ؟؟

اموت واشوفه عشان اقطم زمارة رقبته واقعد ازمر بيها بمزاجى

بوبيز

Anonymous said...

ربنا ينتقم من ولاد عيشة الافاعى اعداء كلمة الحق اللصوص اصحاب شريعة الظلمة الذين لايعرفون غير القتل والاجرام ومبروك على مدونتك الجديدة ربنا يحميك من غدر هؤلاء الخونة أعداء الخير

Hassan El Helali said...

ملوله العزيزه جداً

جه دوري أقول لك
معنى اللى حصل دا ان الكلام اللى بتقوليه صح
ولانه صح ولان محدش من اللى هاجموكى
كان عنده جراه للحوار المحترم البناء
فكروا ان اخراس اللسان اسهل شيئ

أوعي تتأثري ولا تزعلي
إفرحي إنك خوفتيهم للدرجة دي

صدقيني كل مدونه حره وكل قلم حر
بيقلق نومهم أكتر من ما تتخيلي
وفي الآخر لن يصح إلا الصحيح

تحياتي واحترامي..... وخلينا علي قلبهم

نادر الحر said...

مرحبا : أختي الفاضلة
*******************
لاتحزني..عزيزتي..لاتتكدري..دائما إبتسمي وأبدإ من جديد

- لقد أنتهي عصر الظلام وتكميم الأفواه وتقييد الحريات..أنه زمن التغيرات العاصفه...زمن العلوم وإطلاق الحريات.

- دعيهم يعيشون الاساطير التي ترحيهم
ونحن سوف نكشف الحقائق التي تذهلهم

- دعيهم يعيشون زمن الخرافه والجهل والأحجيه والسحر

- إن الذي فعل هذه الفعله الشنعاء
شخص مريض..تافه..مخدر..متخلف
فلا تعيره أي إهتمام وإقتنصي الفرص وواصلي السير نحو الهدف دون تراجع

- إن الكتابه والتعبير عن الرأي تعطي للحياة معناها


تحياتي لك

Anonymous said...

شاكرة تشجيعكم جدا جدا وبالظبط كدا الشيئ اللى هون عليا تعب سنة هى انى شعرت انى كنت ماشية صح

وباذن ربنا حستمر بتشجيعكم

Anonymous said...

زوجتى الملولة الغالية

لا تحزنى فكل كلمة حرة مضطهدة وكل قلم جرئ له من يكرهه

استمرى ولا تتوقفى

وارحمينى من بكائك على مدونتك المفقودة شوية :))

Anonymous said...

هاهاهاهاهاها ياراجل هي بتعيط عليها؟
ماتعيطيش ياحالة ملل بكرة دي تبقى احسن

Anonymous said...

ولا يهمك يا حاله ملل تبتدي تاني من الاول معلش شويه تعب زياده بس المرادي تحاولي تسيفي كل اللي انتي تعمليه علشان ميضعش ، اما الهمج اللي سرقوا المدونة مش عارف ادعي عليهم اقول ايه ، ولا يهمك يا حاله ملل ، كله للخير ،

Anonymous said...

مبروك المدونة ياريهام
المرة الجايه خدى بالك كويس

Anonymous said...

حاضر يا عبد الحفيظ حبقى اخد بالى كويس

اخ موضوع خدى بالك دا مش غريب عليا :

بس مين ريهام صحيح :))

Anonymous said...

علي فكرة يا حالة ملل .. انا معجب جدا بصورة "البابا شنودة والمضلل العام مهدي عاكف" .. فعلا تعليقك رائع .. فرق السما عن العما .. البابا شنودة قال "ليست مصر وطن نعيش فيه بل وطن يعيش فينا" .. اما الحقير عاكف قال بكل وقاحه "طز في مصر" .. فعلا مفيش وجه مقارنة بين وطنية البابا شنودة وبين عميل العرعر

برافو :)))))

حــالة مــلل said...

بالظبط يا الكسندر

كلمة البابا شنودة تجعلك تشعر بمعنى كلمة وطنيه وكيف اكون مصرى قبل اى شيئ

اما المخفى مهدى طز فدى مش اكتر من يعفور صغنن من يعافير العرعر

ربنا ينضف مصر منهم بقى ونخلص

شكرا لمرورك